Mae Dr Andy Cope, Cyfarwyddwr Mewnwelediad yn Walk Wheel Cycle Trust yn ymateb i adroddiad Lancet Countdown on Health and Climate Change, gan groesawu galwad yr adroddiad am weithredu ar frys ar yr argyfwng hinsawdd a galw am fuddsoddiad tymor hir parhaus mewn mathau glanach o drafnidiaeth, gan gynnwys cerdded a beicio.
Wrth ymateb i adroddiad 'The Lancet Countdown on Health and Climate Change', dywedodd Dr Andy Cope, Cyfarwyddwr Mewnwelediad yn Walk Wheel Cycle Trust:
"Rydym yn croesawu'n fawr alwad yr adroddiad am weithredu ar frys ar yr argyfwng hinsawdd, yn enwedig gan fod y DU ar ei hôl hi o'n cymdogion Ewropeaidd wrth gymryd camau radical i ffrwyno allyriadau niweidiol.
"Yr argyfwng hinsawdd yw her amgylcheddol ac iechyd fwyaf yr21ain ganrif.
"Trafnidiaeth sy'n gyfrifol am 26% o allyriadau nwyon tŷ gwydr y DU, gyda'r prif ffynonellau yn geir petrol a disel.
"Bydd datgarboneiddio'r sector trafnidiaeth yn gyflym yn gofyn am orfodi gwaharddiad ar y cerbydau sy'n llygru fwyaf yn gynt o lawer na 2040 ac, yn bwysicaf oll, gostyngiad sylweddol mewn teithiau car.
"Rydym yn annog Llywodraeth nesaf y DU i roi terfyn ar adeiladu mwy o ffyrdd ar gyfer ceir ac yn lle hynny darparu buddsoddiad tymor hir, parhaus mewn mathau glanach o drafnidiaeth, gan gynnwys cerdded a beicio.
"Dylai hyn gynnwys egwyddor cynllunio cymdogaeth 20 munud ar gyfer pob dinas a thref fel bod teithiau ar gyfer anghenion bob dydd ar droed neu ar feic yn norm ar draws y DU."
